Lea go dus buorre davvisámegielalaš giellamáhtolašvuohta ja buorre áddejupmi sámi kultuvrras ja historjjás? Beroštat go ovddideamis oahpponeavvuid sámegielat ohppiide?  Sex og politikk ovttasbargá Sámedikkiin sihkkarastin dihtii ahte oahpponeavvut vuođđooahpahusa seksualitehtaoahpahussii leat heivehuvvon sámi dilálašvuođaide ja ahte dat leat fidnemis davvisámegillii, ja áiggi mielde lulli- ja julevsámegillii. Danne áigu Sex og politikk nannet iežamet joavkku skuvlajahkái 2023-24 heivehan dihtii iežamet fálaldaga  sámegielaide.

Sex og Politikk lea ovddidan ja fállan oahpponeavvuid seksualitehta birra vuođđoskuvlla ja joatkkaskuvlla oahpahussii jagi 2010 rájes. Badjel 50 % Norgga vuođđoskuvllain geavahit min seksualitehtaoahpponeavvu «Uke 6». Skuvlajagi 2021-22 almmuhuvvui «Uke 16» joatkkaskuvllaid várás. Oahpponeavvu lea nuvttá ja doaibmá konkrehta reaidun oahpaheddjiide geat oahpahit mánáid ja nuoraid seksualitehta birra. Buot min oahpponeavvut buvttaduvvojit digitála hámis ja leat fidnemis min neahttasiidduid oahpahusportálas.

Sex og Politikk ulbmil lea ahte buot mánát ja nuorat Norggas galget oažžut dan ollislaš seksualitehtaoahpahusa masa sis lea vuoigatvuohta. Danne mii háliidit fállat min oahpponeavvuid buot čállingielaide, maiddái davvisámegillii, ja áiggi mielde lullisámegillii ja julevsámegillii.

Virgi

Mearreáigevirgi bistá 01.09.2023 rájes 30.06.2024 rádjai. Mii sáhttit heivehit virgesturrodaga gelbbolaš ohcciide. Jus don leat lohkamin guoskevaš fágasuorggi, ovdamearkka dihtii jus leat váldimin oahpaheaddjioahpuid dahje pedagogihka, de sáhttit heivehit bargoáiggi.

Virgi galgá viidáseappot ovddidit Sex og Politikk barggu oahpponeavvuiguin sámegillii. Dat dáhpáhuvvá gulahaladettiin guoskevaš organisašuvnnaiguin, birrasiiguin ja áššedovdiiguin. Bargamušaide gullá earret eará:

• Hábmet, heivehit ja jorgalit oahpponeavvuid sámegillii.
• Iskat vejolašvuođaid fállat eanet min oahpponeavvuid lulli- ja julevsámegillii.
• Ođasmahttit ja viidáseappot ovddidit min oahpahusportála sámi osiid.
• Veaháš mátkkošteapmi.

Virggehas galgá maid oassálastit Sex og Politikk eará bargguide erenoamážit sámi giellagielddaid ektui.

Mii háliidit dakkár mielbargi geas lea

• Vásáhus diehtojuohkin- dahje oahpponeavvoovddideamis dahje vásáhus skuvllas
• Beroštupmi seksuála dearvvašvuođas ja seksualitehtaoahpahusas
• Buorre máhtolašvuohta sámi kultuvrras ja gielas
• Buorre čálalaš ja njálmmálaš máhttu davvisámegielas
• Buorit ovttasbargoattáldagat ja seammás návccat bargat iešheanalaččat
• Návccat bargat vuogádatlaččat, struktuvrralaččat ja čorgadit
• Buorre IT-gelbbolašvuohta dahje dáhttu oahppat, áinnas WordPressa máhttu

Mii fállat gelddolaš bargodili movttegis ja máhtolaš mielbargiiguin Oslo guovddážis idealisttalaš ja ulbmillaš bargosajis molsašuddi ja gelddolaš bargamušaiguin. Mii sáhttit fállat heivehuvvon bargoáiggi, čorgadis bargodiliid ja buori birrasa. Mis leat ođđaáigásaš kantuvrrat Oslos, muhto dán virggi dáfus sáhttit árvvoštallat bargosaji. Mii láhčit dilálašvuođaid ruovttukantuvrii ja digitála čovdosiidda gelbbolaš ohcciide Oslo olggobealde.

Ohcci ferte sáhttit identifiseret iežas Sex og Politikk árvovuođuin: sexogpolitikk.no. 

Veaháš eahketbarggu ja mátkkošteami Norggas ferte dohkkehit. Bálká šiehtadusa vuođul.

Ohcanáigemearri: 10.9.2023. Ohcciid árvvoštallat dađistaga.

Sádde ohcama ja CV elektrovnnalaččat deike: stilling@sexogpolitikk.no.

Lagat dieđuid virggi birra oaččut go válddát oktavuođa beaivválaš jođiheddjiin Tor-Hugne Olseniin, telefovnnas 488.42.771 dahje epoasttas torhugne@sexogpolitikk.no.

Sex og Politikk lea ideála ja eahpegávppálaš miellahttoorganisašuvdna. Sex og Politikk ulbmil lea ovddidit seksuála ja reproduktiiva dearvvašvuođa ja vuoigatvuođaid (SRHR), sisriikkalaččat ja riikkaidgaskasaččat. Mii gullat International Planned Parenthood Federation (IPPF) organisašuvdnii, mii lea máilmmi stuorámus SRHR organisašuvdna kantuvrraiguin eanet go 120 riikkas. Sex og Politikk bargá politihkalaččat nannen dihtii Norgga nationála ja riikkaidgaskasaš SHR politihka ja ruhtadeami. Mii doaimmahit diehtojuohkima ja ráhkadit seksualitehtaoahpponeavvuid.