Miehtan ja sosiála mediat

Miehtan ja sosiála mediat

  • Fag
    ROEE, Luonddufága, Dárogiella, Servodatfága
  • Tid
    90 – 120 minuhta
  • Type
    Bargoárka čuolbmačilgehusaiguin
  • Mål
    • Oahppit dovdet govvajuogadannjuolggadusaid
    • Oahppit máhttet smiehttat dan birra mo fuolahit iežas ja earáid neahtas.

Čilgehus

  1. Muital ohppiide ahte sii galget dál bargat govvajuogademiin. Oahppit dáidet leat gullan áššiid birra mediain main govat ja videot juogaduvvojit lobiheamet? Ollu nuorat geat juogadit govaid ja videoid dáidet diehtit ahte dat ii leat vuogas, muhto eai buohkat dieđe ahte dat maiddái lea lobiheapme. Dehálaš lea dovdat govvajuogadannjuolggadusaid, sihke árvvusatnin dihtii earáid, fuolahan dihtii iežas, ja garvit dahkamis lobihis dagu mii sáhttá vahágahttit earáid.
  • Jus it dovdda njuolggadusaid nu bures, de sáhttá leat vuogas geahčadit Politiija “Juogihahtti?” ávdnasiid. Olgeš bealde listtas lea leaŋka.

  1. Dál geahččabehtet ovtta dahje eanet episodaid ráiddus «Nudes» mii lea “Viktor” birra. Lážáldat doaibmá buoremusat go geahččabehtet episoda 1 (20 min) dahje episoda 1, 2 ja 3 (56 min) (leaŋka olgeš bealde listtas). Bisset episoda gaskan, ja digaštala ohppiiguin:

Episoda 1 

  • Bisset episoda 3.00 buohta:
    Jeara ohppiin: Mo lei din álgogovva Viktoris? Orui go son smáđáhkis?
  • Bisset episoda 8.00 buohta:
    Jeara ohppiin: Mii son lea dáhpáhuvvan dán feasttas?
  • Maŋŋá episoda:
    Čállet Miriama veršuvnna das mii dáhpáhuvai dan eahkeda, ja dan dovddu mii sus lea maŋit iđida dahje čállet dialoga gaskal Viktora ja Miriama, mas soai hállaba dan birra mii dáhpáhuvai

Episoda 2 

  • Bisset 6.00 buohta
    Gii lea váikkuhan Viktora oidnui ja guottuide?. Rievdá go dat episodas episodii?
  • Bisset 10.40 buohta
    Nikoline lea sádden dieđáhusa iežas buoremus nieidaskihpárii mas muitala iežas jurdagiid dan birra mii dáhpáhuvvá Viktorii. Maid son dadjá?
  • Bisset 18.00 buohta
    Lea go váttisvuohtan dat ahte Viktora mieloahppit váldet ovddasvástádusa das ahte dubmet su? Manne?

Episoda 3 

  • Bisset 4.30 buohta
    «Muhtun olbmot leat dušše eanet hearkkit go earát» – Gosa bidjá Viktor ovddasvástádusa?
  • Maŋŋá episoda:
    Politiija jearrá Viktoris «Manne de dahket dan?» – maid dii oaivvildehpet?

  1. Sáhttá leat vuogas loahpahit tiimma oktasaš luohkkáháleštemiin. Sáhttibehtet bargat gažaldagaiguin beroškeahttá das lehpet go geahččan episoda 1 vai buot episodaid.
  • Mo sáhttá diehtit ahte háliida go son geasa sádde álásgova, oažžut dan?
  • Maid sáhttá dahkat go oažžu dakkár álásgova masa ii leat miehtan oažžut?
  • Maid sáhtát dahkat go muhtun juogada álásgova dus?
  • Maid mearkkaša «priváhta»?
  • Maid mearkkaša «luohttámuš»?

Gealbomihtut

  • Guorahallat mo teknologiija lea leamaš ja ain lea rievdadusfáktorin, ja ságaškuššat dan váikkuhusa mii teknologiijas lea ja lea leamaš ovttaskasolbmuide, servodahkii ja lundui.
  • Guorahallat ja smiehttat iežas digitála luottaid birra ja dan birra makkár vejolašvuođat leat sihkkut luottaid ja suodjalit iežas ja earáid vuoigatvuođa priváhtaeallimii, persovdnasuodjalussii ja dahkkivuoigatvuhtii.

  • Guorahallat ja árvvoštallat mo digitála mediat váikkuhit ja rievdadit giela ja gulahallama.

  • Dovdát ja ságaškuššat etihkalaš čuolbmačilgehusaid iešguđet gulahallanvugiid oktavuođas.

  • Ságaškuššat gažaldagaid seksuála ja reproduktiiva dearvvašvuođa oktavuođas.

Har du noe på hjertet?

Alt materiellet i Kunnskapsportalen blir fortløpende vurdert og oppdatert. Dersom du har spørsmål eller kommentarer til noe av innholdet, ta kontakt, gi oss beskjed eller still spørsmål, så ser vi på saken.

Gi oss din tilbakemelding