Čilgehus
- Bargovuohki čilgejuvvo buot ohppiide ovdal go hárjehus álggahuvvo. Sii galget diehtit ahte hárjehus lea dan birra ahte dahkat oaivila, maiddái dalle go olmmoš eahpida. Ulbmil ii leat boahtit ovttaoaiviliidda, muhto guorahallat iešguđetlágan oaiviliid ja ahte eai galgga kommenteret nubbi nuppi árvvoštallamiid.
- Oahpaheaddji ovdanbuktá ohppiide gažaldagaid main leat dilemmat, ja njeallje vejolaš čovdosa maid birra sii galget dahkat oaiviliid. Juohke čiehka luohkkálanjas ovddasta ovtta vástádusa. Čiehka merkejuvvo bustávain dahje loguin dahje oahpaheaddji manná dohko go lohká vástádusvejolašvuođa. Go buot vástádusat leat lohkkojuvvon, de mannet oahppit daid čiegaide mat sin mielas čilgejit buoremus vástádusa. Oahppit geat eai liiko dan eará golmma vástádussii, galget mannat “Eará vejolašvuođat” -čihkii. Hárjehus sáhttá joatkit guovtti vugiin go buohkat leat mannan ovtta čihkii:
- Oahpaheaddji fitná juohke čiegas jearrame lea go oktage gii háliida muitalit manne su mielas dat lei buoremus vástádus. Dán bargovuogi ovdamunni lea ahte oahppit eai bággehala vástidit jus sis ii leat miella ákkastallat iežaset oaiviliid. Ohppiin jerrojuvvo maiddái leat go sin mielas heajos bealit dan čovdosis maid leat válljen.
- Oahpaheaddji sihtá ohppiid juohke čiegas humadit moattes ja moattes ovdal go ákkastallet iežaset oaiviliid earáid ovddas luohkás. Dat mii dainna lea ovdamunni lea ahte beassá álggos hárjehallat ákkastallat earáiguin geain lea seamma oaivil.
- Oahpaheaddji jearrá lea go oktage molson oaivila maŋŋel go lea gullán buot njeallje čiega ákkastallama? Jus lea, de lea lohpi sirdit eará čihkii, ja maiddái muitalit manne rievdadii oaivila jus háliida.
Tipsat oahpaheaddjai
Jus okta čiehka báhcá guorosin, de sáhttet oahppit ságastallat man dihte sii jáhkket ahte ii oktage čuoččahan dasa. Jus oahppit juohkásit čiegaide hui iešguđetládje, de lea dehálaš ahte oahpaheaddji geahččala áicat positiivvalaččat daid ohppiid geat leat unnitlogus. Jus ovtta čiegas čuožžu dušše okta oahppi, de čuoččaha oahpaheaddji dohko ja jođiha hárjehusa das.
Har du noe på hjertet?
Alt materiellet i Kunnskapsportalen blir fortløpende vurdert og oppdatert. Dersom du har spørsmål eller kommentarer til noe av innholdet, ta kontakt, gi oss beskjed eller still spørsmål, så ser vi på saken.