Čilgehus
1. Oahpaheaddji muitala ohppiide ahte sii galget čađahit hárjehusa man namma lea “Duohta dahje ii pubertehta birra”, mas galget vástidit moanat gažaldagaid fáttá birra.
2. Juohke oahppi oažžu ovtta koartta mas čuožžu gažaldat ja vástádusmolssaeavttut, main okta lea rievttes vástádus. Oahppit galget váccašit luohkkálanjas, ja juohke háve go deivet eará oahppi, de bisánit ja jerret nubbi nuppis dan gažaldaga mii koarttas čuožžu. Go guokte oahppi leaba jearran ja vástidan goabbat guoimmi gažaldagaid, de lonuheaba koarttaid ja joatkiba vázzit luohkás gitta dassážii go gávdnaba ođđa olbmuid geaiguin hupmaba.
3. Ulbmil lea olahit nu olu iešguđetge skuvlaoappáid ja -vieljaid go vejolaš ja ollet vástidit nu olu gažaldagaid go vejolaš. Sii sáhttet áinnas vástidit seamma gažaldaga máŋgii iešguđetge skuvlaoappáide ja-vieljaide. Sii eai galgga kommenteret nubbi nuppi vástádusaid, ja galget vástidit dušše hui oanehaččat ja čielgasit. Oahpaheaddji bisseha hárjehusa go árvvoštallá dan bistán nu guhká ahte oahppit leat ollen jearrat gažaldagaid nubbi nuppis.
4. Oahpaheaddji sáhttá čoahkkáigeassima váras válljet gažaldagaid maid birra lea ávkkálaš hupmat ovttas, muhto sáhttá maid atnit čuovvovaš gažaldagaid vuolggasadjin:
- Ledje go makkárge vástádusat mat hirpmáhuhtte din?
- Lehpet go oahppan maidege ođđasa pubertehta birra dán hárjehusas?
- Gos dii jáhkkibehtet ahte lehpet oahppan dan maid máhttibehtet pubertehta birra?
- Geaiguin dii lehpet hupman pubertehta birra (ovdamearkka dihte olbmáiguin, váhnemiiguin, earáiguin bearrašis)?
Har du noe på hjertet?
Alt materiellet i Kunnskapsportalen blir fortløpende vurdert og oppdatert. Dersom du har spørsmål eller kommentarer til noe av innholdet, ta kontakt, gi oss beskjed eller still spørsmål, så ser vi på saken.