Čilgehus

1.Čálit bargoárkka

2.Muital ohppiide ahte dat lea miehtama birra. Miehtan mearkkaša ahte lea sohppojuvvon ovttaoaivilvuohta mas nu, ja ahte buohkat geat servet, áinnas háliidit searvat. Muital ohppiide ahte sii galget vuos geahččat oanehis sárggusfilmma mas oaidnit guhtta ovdamearkka das mii ii leat miehtan. Maŋŋá filmma galgá luohkká bargat dan guđa ovdamearkkain ja evttohit mo sáhttá šaddat buoret háleštit miehtama birra ja áddet mii miehtan lea.

3.Čále «miehtan» távvalii ja bivdde ohppiid muitalit mii ovddimusat boahtá millii go gullet dan sáni. Muhtumat dáidet leat gullan sáni mediain? Jeara ohppiin leat go sii gullan sáni ovdal ja maid sii vejolaččat leat gullan dan birra.

4.Gehččet filmma «Samtykke?»

5.Digaštallet dievasluohkás dahje joavkkuin:

• Man birra lea filbma?
• Ožžot go filmma ovdamearkkat din fuobmát eará ovdamearkkaid? Guđe? (Muitet oadjebaslanja šiehtadusaid – allet hála priváhta áššiid birra, muhto dušše oppalaš áššiid birra. Jus luohkká ii leat dahkan bargobihtá «Oadjebas latnja», de lea vuogas dan dahkat ovdal dán tiimma).
• Manne lea dehálaš oahppat miehtama birra?

6.Muital ohppiide ahte dál lea sáhka das mo mii buohkat sáhttit šaddat čeahpit addit ja oažžut miehtama. Dat mearkkaša jearrat lobi, ja nubbi oažžu vejolašvuođa dadjat jo dahje ii. Galgá maid leat sáhka das ahte sáhttá áinnas rievdadit oainnu, vaikke vel álggos lea ge miehtan searvat masa nu.

7. Juoge ohppiid guđa joavkun vai juohke joavku sáhttá oažžut ovtta bargoárkka. Bivdde ohppiid bargat govain ja dasa gullevaš gažaldagaiguin mat leat árkkas.

8. Maŋŋá joavkobarggu bidjá juohke joavku ovdan iežaset vástádusaid luohkkái muđui.